Професионална Програма / Програма за уметници во посета на Танц Фест
Како дел од мрежата Dance Festivals Network Europe (DFNE), Танц Фест е еден од домаќините на Visiting Artist Programme програмата, позиционирајќи го Скопје како:
- точка на средба на европската танцова сцена
- платформа за презентација на македонски автори
- простор за нови интернационални соработки
Програмата во Скопје комбинира:
- врвни меѓународни и регионални продукции
- примиери на локални автори (Скопје Танцова Платформа)
- светска примиера на ко-продукција на Интерарт/Танц Фест преку Мувинг Балканс Платформата за современ танц – РИЏЕС, Ермира Горо
- Танц и Технологија (Dancetech сегмент) со работилница за технологија со снимање на движење со Жил Жобен и Мокап 44 Студио од Женева, Швајцарија
- структурирано вмрежување и професионален развој преку СТРЕЧ настанот
Во 2025, Танц Фест испрати двајца уметници на посета, во септември Адријана Данчевска Ровчанин на Биеналето за современ танц во Лион и ноември, Дејан Битровски во Лублин, Полска на Интернационалниот Фестивал за Танц театри.
Видете ги останатите уметници тука: https://www.visitingartistprogramme.eu/artists
Европска мрежа и стратешки средби
Во истиот период, Танц Фест Скопје 2026 ќе биде домаќин на Генералното собрание на Dance Festivals Network Europe (DFNE) — најголемата европска мрежа на фестивали за современ танц.
Ова претставува значајна можност за поврзување на локалната сцена со европските структури, преку:
- директни средби со партнерите од мрежата
- размена на искуства и добри практики
- иницирање на нови соработки и копродукции
Присуството на водечките европски фестивали во Скопје ја зајакнува улогата на фестивалот како значајна регионална и европска точка за современ танц, особено во контекст на Скопје – Европска престолнина на културата 2028.
За проектот: Visiting Artist Programme (VAP)
Visiting Artist Programme (VAP) е проект за европска соработка кој обединува 23 водечки фестивали и организации за современ танц од 22 земји во Европа, меѓу кои и Интерaрт Културен Центар / Танц Фест Скопје, со цел да поттикне уметнички развој, размена и интернационална мобилност во современиот танц.
Проектот е ко-финансиран од Европската Унија преку програмата Creative Europe (2025–2027) , нова фаза на веќе воспоставената иницијатива која произлегува од Big Pulse Dance Alliance и претставува една од најзначајните иницијативи за поддршка на нови и средно-искусни уметници во областа на танцот.
Во рамки на програмата, уметници од Европа имаат можност да посетуваат водечки фестивали, да се поврзат со локални сцени, да присуствуваат на перформанси, работилници и професионални средби, во внимателно курирани програми.
VAP ги обединува водечките фестивали за современ танц во Европа — вклучувајќи: CODA Oslo, Julidans, Biennale de la Danse Lyon, Tanz im August, Dance Umbrella, One Dance Festival, Dance Week Festival, Dansa Metropolitana, Dansa Valencia, Танец Прага, и многу други.
Во рамки на програмата, финансирани од проектот, а избрани од партнерите, уметници патуваат и учествуваат на најрелевантните европски фестивали, каде што:
- гледаат внимателно курирана програма на претстави
- учествуваат во работилници и мастер-класови
- се среќаваат со директори, куратори и продуценти
- развиваат нови соработки и меѓународни мрежи
Што овозможува програмата
Во текот на двегодишниот циклус, програмата нуди:
- учество на фестивали низ Европа
- директни средби со уметници, куратори и директори
- пристап до перформанси, мастер-класови и дискусии
- структурирани можности за вмрежување
Програмата веќе има реализирано 16 изданија со 90+ уметници (2021–2024), а новата фаза го проширува нејзиниот опсег и влијание.
Dance Festivals Network Europe
VAP е дел од пошироката иницијатива Dance Festivals Network Europe (DFNE) — коалиција на европски фестивали која работи на:
- одржлив развој на современиот танц
- поттикнување инклузија и пристапност
- интернационална мобилност
- иновација и интерсициплинарност во современите перформативни практики
Преку оваа мрежа, програмата не е само серија на посети, туку структуриран систем за долгорочно поврзување на европската танцова сцена.
This project is co-funded by the European Union.
Views and opinions expressed are however those of the author(s) only and do not necessarily reflect those of the European Union or Creative Europe.



