Cie Gilles Jobin / Studio 44 MocapLab
Танц Фест 2026 | DANCETECH
https://www.gillesjobin.com/en/
https://studio44mocaplab.com
23 април | 11:00 – 16:00
МКЦ, Танцова сала
Како дел од програмата DanceTech, Танц Фест 2026 е домаќин на Pop-up Mocap Lab – работилница предводена од Cie Gilles Jobin и реализирана со поддршка на Qualisys. Тимот во Скопје ја носи својата комплетна motion capture опрема за да ги запознае локалните и гостинските уметници, како и техничките професионалци, со основите на motion capture технологијата и дигиталната изведба. Работилницата комбинира практична демонстрација на 23 април со теоретски и колаборативни сесии. Работејќи со професионален motion capture систем, учесниците ќе истражуваат како движењето се снима и се пренесува во виртуелни средини, отворајќи нови можности за кореографија, соработка и интердисциплинарно творештво помеѓу танцот, технологијата и дигиталните медиуми.
Жил Жобен, директор и кореограф
Сузана Панадес Дијаз, танчерка, кореографка и координаторка за движење во motion capture
Адријан Барилие, креативен технолог, развивач и motion capture специјалист
Содржина
- Презентација на оптички motion capture систем
- Калибрација на системот и изведувачот
- Motion capture и game engine
- Демонстрација во живо на motion capture системот
- Користење виртуелна камера
- Презентација на технологијата и алатките зад изведбата RESET!
Распоред
11:00 – Презентација на motion capture системот, mocap оделата, калибрација…
11:30 – Поврзување на motion capture системот со game engine, аватари во реално време и сл.
12:00 – Демонстрација на Mocap проектот „Film Noir“ од Сузана Панадес Дијаз
12:30 – Прашања и одговори
13:00 – Пауза за ручек
14:00 – Практична работа: виртуелна камера во Film Noir
15:00 – Демонстрација на RESET! со танчерите на компанијата
16:00 – Крај на работилницата
По работилницата следува изведбата на RESET! Beasts and Demons со почеток во 19:00 часот во Танцовата сала на МКЦ.



