Танцовата работилница Moving Balkans обедини меѓународни таленти во Скопје

Во рамките на платформата Moving Balkans, јубилејното издание на Танц Фест Скопје беше домаќин на динамична танцова работилница на која учествуваа 22 меѓународни танчари заедно со домашни танцови уметници. Учесниците имаа можност да работат на интензивни сесии под водство на реномирани предавачи: Џоан ван дер Маст од Кралскиот конзерваториум во Хаг, Џорџа Д’Амико од Цирих и проф. д-р Рисима Рисимкин од Универзитетот „Гоце Делчев“ во Штип.

Реномираниот музичар Ратко Даутовски од Националната установа Ансамбл „Танец“ ја збогати работилницата со својата перкусионистичка придружба, создавајќи динамична и инспиративна атмосфера. Програмата опфати техники на современ танц, Лабанова анализа на движењето, како и креативни процеси на создавање кореографија и интерпретација, поттикнувајќи соработка, учење и уметничка размена меѓу учесниците.

Работилниците завршија со заедничка танцова лабораторија, во која учесниците ги истражуваа и споделуваа своите знаења, вештини и уметнички искуства, претворајќи го овој настан во значајно искуство за сите вклучени.

Финансирано од Европската Унија. Изразените ставови и мислења се исклучиво на авторот/авторите и не мора нужно да ги одразуваат ставовите и мислењата на Европската Унија или на Европската извршна агенција за образование и култура (EACEA). Ниту Европската Унија ниту EACEA не можат да бидат одговорни за нив.

Проектот е поддржан од: Националниот фонд за култура на Бугарија, Министерството за култура на Словенија, Град Љубљана, Министерството за јавна администрација на Словенија, Министерството за култура и медиуми на Република Хрватска, Град Загреб, Министерството за култура на Романија и Министерството за култура на Република Северна Македонија.

Сподели