Европски фестивали и организации за танц се обединуваат за лансирање на Visiting Artist Programme (VAP)

Visiting Artist Programme (VAP) е нова иницијатива која ги обединува 23 водечки фестивали и организации за современ танц ширум Европа, со цел да поттикне креативна размена, уметнички развој и вмрежување за уметници од областа на современиот танц во рана и средна фаза на својата кариера.

Нашата организација — InterArt Cultural Center — е горд партнер во оваа иницијатива, а нашиот фестивал — Dance Fest Skopje — учествува како член на мрежата Dance Festivals Network Europe.
Тоа ја потврдува нашата посветеност кон развојот на современиот танц во регионот на Балканот и за поврзување со меѓународни платформи.

Програмата им овозможува на селектираните уметници да се вклучат во динамичната атмосфера на водечките европски фестивали, со пристап до претстави, мастер-класи, дискусии и сесии за вмрежување.

Првиот циклус средби ќе се одржи во мај 2025 година, кога 20 уметници од цела Европа ќе ги посетат три партнерски фестивали и ќе имаат можност да истражуваат, споделуваат и развиваат нови уметнички перспективи.

Претстојни средби:

Овие средби имаат за цел да поттикнат уметнички развој, да охрабрат креативна размена и да создадат вредни можности за поврзување меѓу учесниците. Преку контакт со различни танцови заедници, уметниците добиваат инспирација, нови идеи и можности за меѓународна соработка.

Програмата започна како активност во рамките на Big Pulse Dance Alliance, но благодарение на големиот интерес и успех, продолжи да се развива самостојно.
Меѓу 2021 и 2024 година, преку програмата беа вклучени 91 уметник во 16 средби, а нејзиниот успех доведе до тоа да добие финансирање од Creative Europe за нов двегодишен проект (февруари 2025 – јануари 2027).

Во следните две години, повеќе од 150 уметници ќе имаат корист од VAP-средбите на партнерските фестивали низ Европа. Програмата, исто така, ги поканува нови партнери соработници да се приклучат и да испраќаат уметници на овие фестивали.

Партнерски фестивали и институции во рамки на Visiting Artist Programme:

Danscentrum Syd (Шведска)
DDD – Festival Dias da Dança (Португалија)
Dublin Dance Festival (Ирска)
Biennale de la Danse de Lyon (Франција)
December Dance (Белгија)
One Dance Festival (Бугарија)
Torinodanza Festival (Италија)
Zodiak – Side Step Festival (Финска)
Bratislava in Movement (Словачка)
Festival Sismògraf (Каталонија – Шпанија)
STHLM DANS (Шведска)
International Dance Theatre Festival in Lublin (Полска)
Julidans (Холандија)
Albania Dance Meeting (Албанија)
Dance Week Festival (Хрватска)
Dance Fest Skopje (Северна Македонија)
Iridescent Festival (Романија)
Reykjavik Dance Festival (Исланд)
STL (Естонија)
International Dance Festival Tanec Praha (Чешка Република)
CODA Oslo International Dance Festival (Норвешка)
New Baltic Dance (Литванија)
Tanz im August (Германија)

За повеќе информации за Visiting Artist Programme и претстојните средби, посетете ја официјалната страница: www.visitingartistprogramme.eu.

Сподели